ძრავი ნებისმიერი ავტომობილის გული და უმთავრესი ნაწილია. ის უზრუნველყოფს ავტომობილის მარტივ და უსაფრთხო გადაადგილებას.
სამწუხაროდ, მძღოლები ხშირად უშვებენ ერთი შეხედვით უმნიშვნელო შეცდომებს, რომლებიც ნელ-ნელა აზიანებს ძრავს და საბოლოოდ შეკეთების საჭიროებამდე მიჰყავს ის.
თუ გსურთ, რომ თქვენი ავტომობილი გამართულად მუშაობდეს და ძრავის შეკეთება ხშირად არ დაგჭირდეთ, ყურადღება მიაქციეთ ჩამოთვლილ 5 ყველაზე გავრცელებულ შეცდომას.
1. ძრავის ზეთის დაგვიანებული შეცვლა
ძრავის ზეთი 3 უმნიშვნელოვანეს ფუნქციას ასრულებს: ამცირებს ხახუნს, აგრილებს სისტემას და იცავს ნაწილებს ნაადრევი ცვეთისგან. დროთა განმავლობაში ზეთი კარგავს თავის თვისებებს, ჭუჭყი და ნალექი კი იწყებს ძრავის შიდა ნაწილების დაზიანებას.
ამიტომ გირჩევთ, ზეთის დონე ყოველ 1,000–1,500 კმ-ზე შეამოწმოთ და შეცვალოთ ის მწარმოებლის რეკომენდაციის შესაბამისად (საშუალოდ 8,000–10,000 კმ-ის ფარგლებში).
2. ძრავის კრიტიკული გადახურების იგნორირება
გადახურება ძრავის ერთ-ერთი მთავარი მტერია. ტემპერატურის მაჩვენებლის წითელ ზონაში გადასვლა ან ძრავის საფარიდან ორთქლის ამოსვლა კრიტიკული სიგნალია. გადახურების იგნორირებამ შეიძლება გამოიწვიოს ძრავის ბლოკის დაბზარვა ან დგუშების სერიოზული დაზიანება.
მნიშვნელოვანია, რომ გაგრილების სისტემა და ანტიფრიზის დონე რეგულარულად შეამოწმოთ და დარწმუნდეთ, რომ რადიატორი სუფთაა.
ძრავის გადახურებისას დაუყოვნებლივ გააჩერეთ მანქანა!
3. უხარისხო საწვავის გამოყენება
დაბალი ხარისხის ბენზინი ან დიზელი იწვევს დგუშებზე, სარქველებსა და ინჟექტორებზე ნადების დაგროვებას. ეს საწვავის წვის ეფექტურობას ამცირებს, ძრავის სიმძლავრე იკლებს და საწვავის ხარჯი იზრდება.
ისარგებლეთ მხოლოდ სანდო ბენზინგასამართი სადგურებით და პერიოდულად ჩაატარეთ ინჟექტორების პროფილაქტიკური წმენდა.
4. ძრავის ცივად გაშვების შემდეგ დაუყოვნებლივ აჩქარება
ბევრი მძღოლი ფიქრობს, რომ გაზის დამატება ცივი ძრავის ამუშავებისთანავე გათბობის პროცესს დააჩქარებს, რაც მცდარი შეხედულებაა. ცივი ზეთი სქელია და ვერ უზრუნველყოფს ნაწილების სრულყოფილ შეზეთვას. ამ დროს გაზზე დაჭერა ზრდის ხახუნს და იწვევს ნაწილების სწრაფ ცვეთას.
ძრავის ჩართვის შემდეგ მოიცადეთ 30–60 წამი, შემდეგ კი დაიწყეთ ნელი მოძრაობა მანამ, სანამ ძრავი სამუშაო ტემპერატურას არ მიაღწევს.
5. რუტინული ტექნიკური შემოწმების იგნორირება
ძრავის რეგულარული დიაგნოსტიკა ერთადერთი გზაა, რომ მცირე პრობლემები დროულად აღმოაჩინოთ, სანამ ისინი სერიოზულ და ძვირადღირებულ ხარვეზებად გადაიქცევა. მძღოლების უმეტესობა ავტოსერვისით მხოლოდ მაშინ სარგებლობს როცა პრობლემა უკვე აშკარაა.
დაგეგმეთ ძრავის პროფესიონალური დიაგნოსტიკა ყოველ 6 თვეში ერთხელ ან ხანგრძლივი მოგზაურობის წინ.
საბოლოო ჯამში, ძრავის მოვლა დიდ ძალისხმევას არ მოითხოვს – საჭიროა მხოლოდ ყურადღება და დროული რეაგირება.
შეგახსენებთ, რომ “ჰიუნდაის” სერვის ცენტრში ხელმისაწვდომია როგორც ძრავის შეკეთება, ისე მანქანის კონდიციონერის შეკეთება, სათუნუქე-სამღებრო სამუშაოები, გადაცემათა კოლოფის შეკეთება, სავალი ნაწილების აღდგენა და ავტომობილის ელექტრონული დიაგნოსტიკა.
ამ სერვისების მისაღებად კი შეგიძლიათ თბილისის, რუსთავისა და ქობულეთის სერვის ცენტრებს ეწვიოთ.